Selisalɛmʋ ‑kwlɔ 'ɔ pɛe 'a blu ‑tɩ
122
'Dʋ nyʋ a blea ‑bo nyɔ ɔ sea Tʋ "bo 'a ‑gbɛɛ'‑ na' mu ɛ. Dafi 'a dʋ.
‑Bo nyɔ wlu 'ʋn ‑pee ‑wɛe ɔ 'na:
‑a mu ‑gbɛɛ'‑ 'de Nyɔsoa o ‑gbu" 'di ɛ,
ɛ 'bleɛ 'ma 'mʋa‑.
2 'De kaan ka, ‑a nyni 'e
‑ma ‑kwlɔ 'ɔ paɩn' ‑wɛ, 'oo Selisalɛmʋ,
3 'oo Selisalɛmʋ, ‑ma ‑kwlɔ ‑tu pooɛ'
ka ‑cɔɔn'‑ ka‑, ɛ ‑blaa blo' 'dei.
4 'Bo ‑ma ‑kwlɔ ‑tu 'di,
mɔ Israɛ ‑blʋa 'a blo' wɔn ‑wee'‑ a mu,
‑wɛe ʋʋa ‑gbɛɛ'‑ Nyɔsoa. Ɛmɛ ‑nɩ kɛ' 'de Israɛ.
5 'Mʋʋa‑, 'bo nyʋ ‑ʋʋa ‑jea nyʋ 'a 'pee 'a Tʋ"bokpatɛ‑ nɩ‑.
'Blʋajei Dafi 'a "ji 'a Tʋ"bokpatɛ‑.
6 Ao ‑tee' Nyɔsoa i, ‑wɛe ɛ 'je pɛe 'a
blua' 'bo Selisalɛmʋ ja‑: kɩɩn, nyʋ ‑ʋʋ
‑kma Selisalɛmʋ ‑kwlɔ'ɔ ‑tɩ' ɛ, ʋʋ nɩ 'flɛ 'ʋn:
7 Pɛe 'a blua' siiɛi 'bo ‑ma ‑kwlɔ ‑tu 'di,
'flɛʋn ‑tea' nɩ ‑ma ‑gbi" ‑wee'‑ ‑sɔn i.
8 'De 'ma "dɛi ‑wi" ke,
'ma de 'di ‑wi" 'a ‑tɩ' kmaa' 'ʋn ɛ,
'ma bae, ‑wɛe pɛe 'a blua'
'je 'o ‑ma ‑kwlɔ ‑tu 'di nɩ‑!
9 ‑Aa Kea ‑nɩa Tʋ "bo,
'de ɛɛ' ‑gbu" 'a "dia 'je ‑tɩ 'ʋn ɛ Nyɔsoa, 'ma bae',
‑wɛe ‑pɔia" 'je 'o ‑ma ‑kwlɔ ‑tu 'di nɩ‑.